संस्कृतभाषायाः स्वरूपस्य ज्ञानार्थं शास्त्रग्रन्थानामिव काव्यग्रन्थानामपि अध्ययनम् अत्यावश्यकम् । शास्त्रे हि स्वविषयप्रतिपादनाय केवलाः तदुपयोगिनः शब्दा प्रयोगाश्च आश्रीयन्ते, काव्ये पुनः सकलं जगत् वर्णनाविषय इति तत्प्रतिपादनाय शब्दाः प्रयोगाश्च विविधाः भवन्तीति भाषाशिक्षणार्थं काव्यम् प्रशस्ततर उपायो भवति ।
तत्र आद्ये सत्रे पद्यकाव्यं बोधितमिति कारणतः प्रकृते सत्रे भोजराजविरचितं चम्पूरामायणं नाम काव्यं योजितमस्ति । चम्पूकाव्यं हि गद्यपद्योभयमयं भवति । तत्र पद्यबन्धस्येव गद्यगतेरपि परिचयः भविष्यति । चम्पूरामायणं च चम्पूकाव्येषु रसोदारतया अभ्यर्हिततमं मन्यन्ते विद्वांसः । अतोऽत्र अस्य ग्रन्थस्य बालकाण्डः (गङ्गावतरणप्रसङ्गवर्जम्) पठ्यक्रमे योजितः ।
- Teacher: COE CVV
- Teacher: Nagendra Pavana RN
साधुशब्दानां निर्वचनाय प्रवृत्तस्य व्याकरणस्य अध्ययने भगवतः पाणिनेः व्याकरणं सर्वमान्यं वर्तते । भगवता पणिनिना अष्टाध्यायी नमके ग्रन्थे उपचतुस्सहस्रसूत्राणि गुम्फितानि । अमीषां सूत्राणां सम्यग्ज्ञानं व्याकरणसमुद्रतारणे उडुपायते । यदि अमूनि सूत्राणि कण्ठस्थानि स्युः तर्हि नूनं वैयाकरणः शब्दप्रपञ्चे जेष्यति । तस्मात् व्याकरणस्य मूलभूतस्य ग्रन्थस्य परिचयः छात्राणां भवतु, ते सूत्राणि कण्ठस्थीकुर्वन्तु इति धिया इयं पाठ्यपरिकल्पना कृता ।
- Teacher: Vinayak Rajat Bhat
व्याकरणशास्त्रस्य प्रतिपाद्येषु अंशेषु शब्दसिद्धिप्रक्रिया प्रधानभूता वर्तते । एकस्य शब्दस्य सिद्ध्यै अष्टाध्याय्याः विभिन्नैभ्यः प्रदेशेभ्यः सूत्राणि आदाय तेषु तेषु प्रसङ्गेषु कार्याणि करणीयानि भवन्ति । सैषा दुर्गमा विविधशब्दसिद्धिप्रक्रिया वैयाकरणप्रवरेण भट्तोजिदीक्षितेन सिद्धान्तकौमुद्याख्ये ग्रन्थे सुगमतया बोधिता । अपि च बहुषु प्रदेशेषु सूत्रवार्तिकभाष्याणां मतेषु भेदे दृश्यमाने यथोचितं सर्वमतानुकूलः अन्यतममतानुकूलो वा पन्थाः अनुसरणीयो भवति यः अल्पमतिभिः ग्रहीतुं न शक्यते । भट्तोजिदीक्षितेन तादृशानि स्थलानि न्यक्षेण परिशील्य सिद्धान्तभूतः अर्थः स्वग्रन्थेऽस्मिन् प्रकाशितः । तस्मात् वैयाकरणप्रक्रियया साधुशब्दस्वरूपस्य निर्णये अयं ग्रन्थः नितरामुपकारकः वरीवर्ति । अत्र अस्माकं पाठ्यक्रमे अयं ग्रन्थः द्वितीये सत्रे निवेशितः ।
अत्र संज्ञाप्रकरणम्, परिभाषाप्रकरणं, पञ्चसन्धिप्रकरणं अजन्तपुंलिङ्गप्रकरणं च इत्येते भागाः अध्याप्यन्ते । तत्र उपकारकाणां व्याख्याभागानामपि यथोचितं बोधनं भविष्यति ।- Teacher: Jaya Krishna